ڕۆژی پێنجشەممە ٧ی خاکەلێوە، “سلێمان قادرگەڵوان” برای “عەبدولسەلام قادرگەڵوان”، لە شەهیدانی بزووتنەوەی سەرانسەریی ژینا لە شنۆ، دوای بانگکردنی تەلەفۆنی، دەسبەسەر کرا.
لەمبارەوە سەرچاوەیەکی ئاگادار بە چاونیوزی گوت: هێزەکانی ئیتلاعاتی هێزی ئینتزامی، دوای بانگکردنی تەلەفۆنی، سلێمانیان دەسبەسەر و بە بنەماڵەکەیان گوتووە کە ناوبراو جارێ لەلای ئەوان دەسبەسەرە.
تا ئێستا لە چارەنووسی ئەم ئەندامەی بنەماڵە دادخوازەکان کە پێشتریش چەندین جار بانگ و دەسبەسەر کرابوو، هەروەها تۆمەتە وەپاڵدراوەکان بە دژی، زانیارییەک لەبەر دەستدا نییە.
