چاونیوز: دەزگای قەزایی کۆماری ئیسلامی لە گەرمەی شەڕ لەگەڵ ئامریکا و ئیسرائیل، حوکمی سێدارەی هاووڵاتییەکی دیکەی جێبەجێ کرد.
بەپێی هەواڵێک کە هەواڵدەریی میزان، سەربە دەزگای قەزایی کۆماری ئیسلامی بڵاوی کردووەتەوە، “عەلی فەهیم”، یەکێک لە دەسبەسەرکراوانی دوایین ڕاپەڕینەکانی ئێران لە مانگی بەفرانباری ساڵی ڕابردوودا، بە تۆمەتی دەسبەسەرداگرتنی ئەنبارێکی تەقەمەنی و چەکوچۆڵ، لە بەرەبەیانیی ڕۆژی دووشەممە، ١٧ی خاکەلێوە، لە سێدارە دراوە.
لەسێدارەدانی ئەم هاووڵاتییە، لە یەکەم مانگی ساڵی نوێدا، لە حاڵێکدایە کە ڕۆژانی پێشووش چەند کەسێکی دیکە بە ناوەکانی “محەممەدئەمین بیگلەری، شاهین واحیدپەرەست و ئەمیرحوسێن حاتمیـ”ـیان بە تۆمەتی هاوشێوە لە سێدارە داوە.
لە سێدارەدانی زیندانییانی سیاسی لە گەرمەی شەڕدا نیگەرانیی بنەماڵەی زیندانییانی سیاسی زیاتر کردووە و نیگەرانیی جیددیی ناوەندەکانی مافی مرۆڤ لە ئێران و جیهانی لێ کەوتووەتەوە.
