چاونیوز: لەلایەن دەزگای قەزاییی کۆماری ئیسلامییەوە سزای بەندکران بە سەر چالاکێکی مەدەنی سەپێندرا.
بەپێی هەواڵ و زانیارییەکانی بەردەست، “مەزاد هەرسینی”، چالاکی مەدەنیی خەڵکی کرماشان و دانیشتووی تاران، لەلایەن لقی ٣٦ی دادگای پێداچوونەوەی تاران، سەرجەم ٨ ساڵ سزای بەندکرانی بە سەردا سەپا، کە ٥ ساڵی دەبێت جێبەجێ بکرێت.
ئەم هاووڵاتییە پێشتر لەلایەن لقی ٢٦ دادگای ئینقلابی تارانەوە بە تۆمەتی “بانگەشە بەدژی حکوومەت” بە ١٣ مانگ، “بێڕێزی بە ڕێبەری”، بە ٢٥ مانگ، “بێڕێزی بە پیرۆزییەکان” و “کۆبوونەوە و ڕێکخستن” بە ٥ ساڵ و دوو مانگ بەندکرانی تەعزیری مەحکووم کرابوو، کە لەلایەن لقی ٣٦ی دادگای پێداچوونەوە بە ٥ ساڵ و یەک مانگ تەعزیری گۆڕدرا.





