چاونیوز: دوو لاو کە لە ڕاپەڕینەکانی بەفرانباری ساڵی ڕابردوو دەسبەسەر کرابوون، لەلایەن دەزگای قەزایی کۆماری ئیسلامی لە سێدارە دران.
بەپێی هەواڵێک کە لەلایەن هەواڵدەریی میزان، سەر بە دەزگای قەزایی کۆماری ئیسلامی بڵاو بووەتەوە، محەممەدئەمین بیگلەری و شاهین واحددۆست، لە دەسبەسەرکراوانی ڕاپەڕینی مانگی بەفرانباری ۱٤۰٤، بە تۆمەتی ئەوەی کە هەوڵی دەسبەسەرداگرتنی ئەنباری چەکوچۆڵی ناوەندێکی سەربازی سزای سێدارەیان بە سەردا سەپێندرا.
بەپێی هەواڵە بڵاوکراوەکان، پاش ڕاپەڕینی مانگی بەفرانباری ۱٤۰٤ هەتا ئێستە ئەمە دەیەمین سزای سێدارەدانە کە لەلایەن دەزگای قەزایی کۆماری ئیسلامییەوە جێبەجێ کراوە.
لەم پێوەندییەدا، لە ڕۆژانی ڕابردوودا سێ کەسی دیکە بە ناوەکانی ئەبوولحەسەن مونتەزر و وەحید بەنیعامریان بە تۆمەتی ئەندامەتیی موجاهدین خەلق و هەروەها ئەمیر حاتەمی لە سێدارە دراون.
