ڕۆژی دووشەممە، ١٦ی پووشپەڕی ١٤٠٤، حەسەن شاداب، خەڵکی گوندی «بابخاڵاوێ» و دانیشتووی شاری شنۆ، لەلایەن هێزە ئەمنییەکانەوە دەستبەسەر کرا.
سەرچاوەیەکی ئاگادار لەمبارەیەوە وتی؛ هێزە ئەمنییەکان بەبێ نیشاندانی هیچ فەرمانێکی دادوەری، ئەو هاووڵاتییەیان دەستبەسەر کردووە.
تا ئێستا هیچ زانیارییەک لەبارەی هۆکاری دەستبەسەرکردن، تۆمەتەکان و چارەنووسی ناوبراوەوە لەبەردەست نییە.





