ڕۆژی شەممە ۱۰ی خەزەڵوەری ۱٤۰٤، کرێکارێکی خەڵکی بۆکان، لە کارگەی لوولەی شارەکی پیشەسازی لەکاتی کارکردندا بە هۆی وەرگەڕانی دەزگای لیفتراک گیانی لەدەستدا.
بە پێی ڕاپۆرتێک کە بە ناوەندی مافی مرۆڤ بۆ ڕۆژهەڵاتی کوردستان گەیشتووە، ڕۆژی شەممە ۱۰ی خەزەڵوەری ۱٤۰٤ی هەتاوی، کرێکارێکی خەڵکی بۆکان، بە ناوی “سەید تاهیر دادوەر” بە هۆی کەوتنە خوارەوەی دەزگای لیفتراک لە کارگەی “لوولە پۆلی‌ئێتلین”ی، شارەکی پیشەسازیی بۆکان گیانی لەدەستدا. ناوبراو تەنیا ۲۰ڕۆژی مابوو کە خانەنشین بێ.
هەروەها هەر لەو ڕۆژدا و لە شاری بۆکان، کرێکارێکی دیکە بە ناوی “موحسێن کاکە ڕەشی” بەهۆی کەوتنە خوارەوە لە کرێن لە کارگایەکی دیکەی شارەکی پیشەسازیی ئەو شارە گیانی لە دەستدا.
